تعالوا شوفوا البنيه لمن تشوف ولد... يبو

مرحبا ااا طبعا هسه خمطته واجيت
بس لا بايكينه كبلي
شلونكم مشتاقون
شباااااب شوفو البنية من يمر من يمهة شااب وما يباوع عليهة شيصير بيهة وشتسوي


طبعا البنية هسة طالعة من الحمام ومسوية غسل وتشحيم وطالعة كشخة وصابغة وجهة بوية وصاير مو وجه عبالك ولا قوس قزح من كثر المكيااج والحمرة وهذي السوالف

ووراهة تطلع البنية على الباب العصرية عساس دتغسل الدرب وطبعا هية دخلت سبعين فحص لوجههة قبل لاتطلع على الباب ... وفجاءة تشووف شااب كيكي من بعيد وهية المسكينة طارت من الفرحة .. مرة تعدل بنفسها ومرة تكول احم احم ( دة تعدل سوالفهة عساس هية راح تسولف ويااه على الخطوبة ) المهم وهو جااي من يمهة يلبسهة ويطلع ( طبعا الشااب ما شافهة لو شاافهة جان سحب هندبريك هههههههه بس الظاهر هو شااف صيدة احلى كباله وما باوع على هذي المسكينة ) المهم شوفو البنية ورا هذي الصدمة شتسوي ... !!!

1 : تطفر للمراية وتباوع بوجههة وتكول ليش اني شبيه ؟؟ شنو المحلو بيه ؟؟ ليش ما باوع علية اكيد بيه شي محلوو

2 : تروووح للكوافير كبل المغرب وام الكوافير تريد تطفر لان صار مغرب وتخاف من العلس وهذي جت تريد تسريحة جديد ( عزل السووك وجاك المشتري هههههه ) وتطلع من جيبهة صورة زينب العسكري وتكللهة سويلي هذي التسريحة ( عساس زينب فد نمونة )

3 : اذا يمهة اخوهة الصغير تظربة راجدي من القهر والحرگة ( مسكين اخوهة والله .. واخوها يكول بخيرهم ما خيروني وبشرهم عمو علية )

4 : تروح لغرفتهة وتقفل الباب وتروح تاخذهة ببجية لليل وتكول ( الا ليت الشباب يعود يوما لاخبره بما فعل المشيب ههههههه خطية صارت عجوز وهية عمرهة 18 )

5 : ثاني يوم ما تاكل كل شي بس جبس ونستلة وبسكت شمائل ( هذي هستوهة مفطوومة .. وتكول لا مسوية حمية هههههه )

6 : ورا هذا كلة تشغل اغنية احنة شبينة عمي ما نعجبك

وتبقى على هذي الحلة اسبووع كامل الى ان تشوف شااب غيره هم يظربهة بوري هههههههه
تحياتي الكم